चोकै छेउको पेटीमा कचौरा थापेर

हरेक श्वास बास्ना र गन्धको जन्ती र मलामी
एक साथ,
हरेक पल वाहनहरुको खोकाइ र बोकाइ
आँखामा केही परेको हो ? कि आँखै अन्तै सरेको हो ?

चाकमा, ढलानको चिसो अंगालो
तालुमुनिको नाकभित्र अटेसमटेस हुन्छ एक लत्को ट्राफिक जाम
सिँ.....
थुक्या हो... पट्ठोको चिल्लो जुत्तामा परेछ हा हा हा
उस्ले उबेला सिक्का देको थ्यो ? अँ.... याद आएन..... अडिएको त थियो, लियो कि दियो !
चाकमा ढलानको चिसो अंगालो
कस्तो श्वास फेर्न गाह«ो भो !
चाकमा ढलानको चिसो अंगालो
ढलानको चाकमा चिसो अंगालो
ढल्केको चाकमा चिसो अंगालो
चाकको ढलानमा चिसो अंगालो . . . . . . .

उता हेर्‍यो घडीको बिस्कुन
छेउमा बुट, जुत्ता, चप्पल, स्यान्डल, स्टिलेट्टोको भङ्गालो
कस्लाई फुर्सद निहुरिन, मोल सोध्न, घडी किन्न घडी हेर्दै कुनै घडी !
यता हेर्‍यो मोजाको बिस्कुन
मोजा रेलिङमा झुण्डिएर आफ्ना विकिसकेका साथीका दलन देख्दैछन्
पैतालपैतालमा, बरा !
मेरो त चाकै पंैतालो
मोजाले नथाम्ने भो !

टाङटुङ्टाङटुङ्टाङटुङ्टाङटुङ्टाङटुङ्
कुन असत्तीले लत्याइदियो !
माटोक्ने ! स्याले ! माटोक्ने !
च्याप्प, च्याप्प , च्याप्प माटोक्ने !
माटोक्नेको खल्तीभित्र खन्द्र्याङखुन्द्रुङ मेरो सिक्का माटोक्ने !
तेइ खाते होला !
खाओस् माटोक्नेले !
त्यो डकार्छ, मेरो चै हुँडल्ने भो पेट ।
माटोक्ने ! तेइसँग चै आलोपालो !
माटोक्नेले कचौरो त फिर्ता ल्याउन जान्या छ . . .

July 9, 2015