सबै आ–आफ्नै चक्रमा फर्किरहन्छन्
फूलका दलबाट हावाका झोंकाझोंका पिच्छे
बिदाइ भएका सुवासका झुण्ड,
ख्यातिले, पस्नी समाउने हातबाट
अर्को बागमा रोपिन्छन्
बर्षाका एक–एक धर्सा धागा
गानीएका बादलका दुधमुन्टाबाट झर्दै
नदीमा समुन्द्रसम्मको टिकट काट्छन्,
हो, बाटामा ढुङ्गा, माटा, पत्कर र लास चाट्दछन्
सबै आ–आफ्नै बक्रमा मर्किन्छन्
सबै आ–आफ्नै चक्रमा फर्किन्छन् ।
२०७२ चैत्र २०
No comments:
Post a Comment